იდეადან რეალურ გამოცდილებამდე
ArgoTrips დაიბადა ბარსელონაში — ქალაქში, სადაც ისტორია და თანამედროვე ცხოვრება ერთმანეთს ეხვევა. სწორედ აქ, ცხოვრების ყოველდღიურობაში, დავინახეთ ძლიერი პოტენციალი: ტურისტებს სჭირდებათ არა მხოლოდ გზამკვლევი, არამედ ადამიანი, ვისაც შეუძლიათ ენდონ.
ჩვენ, ქართველმა ემიგრანტებმა, შევამჩნიეთ, რამდენად რთულია უცხო ქვეყანაში შესაფერისი მომსახურების პოვნა — იქნება ეს ტრანსფერი აეროპორტიდან, სასტუმროს მოძიება, ბიუჯეტური ოთახები, ქალაქგარეთ ტურები თუ სხვა მარტივი, მაგრამ გადამწყვეტი სერვისები. ეს გაფანტული მოთხოვნები გახდა იდეის საწყისი — შეგვექმნა პლატფორმა, რომელიც ყველაფერს ერთ სივრცეში მოუყრიდა თავს.
ასე გაჩნდა ArgoTrips — სერვისების ეკოსისტემა მათთვის, ვინც ბარსელონას სტუმრობს და მათთვის, ვინც აქ ცხოვრობს.
ჩვენი პლატფორმა აერთიანებს:
Აეროპორტის ტრანსფერებს და პირად ტაქსის მომსახურებას
Სასტუმროებისა და ბიუჯეტური საცხოვრებლების მოძიებას
Ტურებს კატალონიის მასშტაბით (ქალაქური, კულტურული, ღვინის, ზღვასთან და მთებში)
Მცირე და დიდი ჯგუფებისთვის ადაპტირებულ ტრანსპორტს (4, 8, 16 და 39-კაციანი ავტოები)
ჩვენი გუნდი ბუნებრივად შეიკრიბა ამ იდეის გარშემო — თითოეულს მოგვაქვს სხვადასხვა გამოცდილება, მაგრამ ერთი ხედვა: შევქმნათ სანდო, ადამიანზე მორგებული ტურისტული სივრცე, სადაც ხარისხი, კომფორტი და სითბო სინქრონულად თანაარსებობს.
სახელიც მიზანმიმართულად შევარჩიეთ:
“Argo” მითოლოგიური სიმბოლოა გამბედავი მოგზაურობისა და აღმოჩენების,
“Trips” კი ასახავს იმ რეალურ საჭიროებებს, რაც თანამედროვე მოგზაურს აქვს.
დღეს ArgoTrips უფრო მეტია, ვიდრე უბრალოდ ტურისტული სერვისი — ეს არის გამოცდილება, რომელსაც ენდობი, და გუნდი, რომელიც შენს გვერდით დგას პირველივე დღიდან.
